Qadınlar kişiləri sevər

Qadınlar,

kişiləri sevər,

Qadınlar,

hər adamı sevməz

Qadınlar azad yaşayar,

öləndə də azad ölər,

Qadınlar edamı sevməz.

Ya böyüyüb kişi olmalısan,

ya da, sevilməyi unutmalısan.

Sevsən,

əlindəki bütün qadınları atıb,

Ovcunda,

yalnız bir qadını tutmalısan.

Hətta,

kitab oxumayan qadınlar da,

bütün kişiləri,

əzbər bilir biləsən,

Qadınlar,

qəlbinə yazdığı adamı

bir dəfə bağışlayır,

Qadınlar, 

adamı bir dəfə silir biləsən.

Bütün kişilər,

ata olmadığı kimi-

bütün qadınlar da,

ana olmur,

Hər doğulan oğul da,

böyüyüb kişi olmur,

Amma,

övladını atasız böyüdən,

analar kimi-

Analar, kişi olur bəzən,

Analar, Ata olur biləsən...

QADINLAR KİŞİLƏRİ SEVƏR

şeirin müəllifi: ROMA XOSROV