Dilini öyrəndim bütün dillərin,
Öyrəndim qış dili, payız dilini.
Əzbərə çevirib ömrün illərin,
Öyrəndim təkliyin yalnız dilini.
Mən nəmli gözlərdə yaş dili bildim,
Daş olan ürəkdə daş dili bildim.
Adam dili bildim, quş dili bildim,
Qələmdən öyrəndim kağız dilini.
Göylərlə danışdım, yağış dilində,
Zirvəylə danışdım, yoxuş dilində.
Özgəylə danışdım, tanış dilində,
Öyrənə bilmədim, bir qız dilini.
ÖYRƏNDİM TƏKLİYİN YALNIZ DİLİNİ
şeirin müəllifi: ROMA XOSROV
Hiç yorum yok:
Yorum Gönder
Əziz oxucular!
Şairin şeirlərinə fikirlərinizi bildirməklə və şairin şeirlərini öz sosial şəbəkə hesablarınızda paylaşmaqla, dəstək olun!
Diqqət və dəstəyinizdən dolayı sizə təşəkkür edirik!
Hörmətlə: şair, bədii qiraətçi Roma Xosrov.